ഹരിത പരിവർത്തനത്തിന് ശക്തി പകരാൻ, കൗടില്യ സാമ്പത്തിക കോൺക്ലേവ് ഒക്ടോബർ 4 മുതൽ.

ഹരിത  പരിവർത്തനത്തിന് ശക്തി പകരാൻ

കൗടില്യ സാമ്പത്തിക കോൺക്ലേവിൻ്റെ മൂന്നാം പതിപ്പ് ഒക്ടോബർ 4 മുതൽ 6 വരെ ന്യൂഡൽഹിയിൽ നടക്കും.  

പ്രധാനമന്ത്രി  നരേന്ദ്ര മോദി ഒക്ടോബർ നാലിന് വൈകുന്നേരം 6:30 ന് ന്യൂഡൽഹിയിലെ താജ് പാലസ് ഹോട്ടലിൽ നടക്കുന്ന കൗടില്യ സാമ്പത്തിക കോൺക്ലേവിൽ പങ്കെടുക്കും. 

ഹരിത പരിവർത്തനത്തിന്

ഹരിത പരിവർത്തനത്തിന് ധനസഹായം നൽകൽ, ഭൗമ-സാമ്പത്തിക വിഘടനവും വളർച്ചയിലുണ്ടാകുന്ന പ്രത്യാഘാതങ്ങളും, പ്രതിരോധശക്തി നിലനിർത്തുന്നതിനുള്ള നയ നടപടികൾ എന്നിവയിൽ ഈ വർഷത്തെ കോൺക്ലേവ് ശ്രദ്ധ കേന്ദ്രീകരിക്കും.

ഇന്ത്യൻ സമ്പദ്‌വ്യവസ്ഥയും ​ഗ്ലോബൽ സൗത്തിന്റെ സമ്പദ്‌വ്യവസ്ഥയും അഭിമുഖീകരിക്കുന്ന ഏറ്റവും പ്രധാനപ്പെട്ട  പ്രശ്‌നങ്ങളെക്കുറിച്ച് ദേശീയ അന്തർദേശീയ തലത്തിലുള്ള പ്ര​ഗത്ഭരും നയരൂപീകരണ വിദഗ്ധരും ചർച്ച ചെയ്യും. ലോകമെമ്പാടുമുള്ള പ്രഭാഷകർ കോൺക്ലേവിൽ പങ്കെടുക്കും.

കേന്ദ്ര ധന മന്ത്രാലയവുമായി സഹകരിച്ച് ഇൻസ്റ്റിറ്റ്യൂട്ട് ഓഫ് ഇക്കണോമിക് ഗ്രോത്ത് ആണ് കൗടില്യ സാമ്പത്തിക കോൺക്ലേവ് സംഘടിപ്പിക്കുന്നത്.