പത്മനാഭസ്വാമി ക്ഷേത്രത്തില് നിന്നും കാണാതായ സ്വര്ണം തിരികെ ലഭിച്ചു.
- Posted on May 12, 2025
- News
- By Goutham prakash
- 393 Views
സി.ഡി. സുനീഷ്.
പത്മനാഭസ്വാമി ക്ഷേത്രത്തില് നിന്നും കാണാതായ സ്വര്ണം തിരികെ ലഭിച്ചു. 107 ഗ്രാം സ്വര്ണമാണ് തിരികെ ലഭിച്ചത്. ക്ഷേത്രത്തിനുളളിലെ മണല്പ്പരപ്പില് നിന്നാണ് സ്വര്ണം കണ്ടെത്തിയത്. ബോംബ് സ്ക്വാഡും പൊലിസും ചേര്ന്ന് നടത്തിയ പരിശോധനയിലാണ് സ്വര്ണം കണ്ടെത്തിയത്. അതേ സമയം, സ്ട്രോങ് റൂമിലെ സ്വര്ണം നിലത്ത് വന്നത് എങ്ങനെയെന്ന് കാര്യത്തില് ഇപ്പോഴും ദുരൂഹത തുടരുകയാണ്. അതീവ സുരക്ഷ മേഖലയില് നിന്നാണ് ഇന്നലെ സ്വര്ണം കാണാതായത്.
തിരുവനന്തപുരം പത്മനാഭ സ്വാമി ക്ഷേത്രത്തിലെ സ്വര്ണം മോഷണം പോയ സംഭവത്തില് വാര്ത്താ സമ്മേളനത്തില് വിശദീകരണം നല്കി തിരുവനന്തപുരം ഡിസിപി നകുല് ദേശ്മുഖ്. ക്ഷേത്രത്തിലേത് മോഷണമല്ലെന്നാണ് പ്രാഥമിക നിഗമനമെന്ന് ഡിസിപി വ്യക്തമാക്കി. ആരെങ്കിലും മാറ്റിവെച്ചതാകാനാണ് സാധ്യതയെന്നും പിന്നീട് വിവാദമായപ്പോള് ആരെങ്കിലും ഉപേക്ഷിച്ചതാവാനുള്ള സാധ്യതയും തള്ളിക്കളയുന്നില്ലെന്ന് ഡിസിപി വ്യക്തമാക്കി.
