ഇന്ത്യൻ മഹാസമുദ്രത്തിലെ ലക്ഷദ്വീപ് ദ്വീപസമൂഹത്തിലെ പവിഴപ്പുറ്റുകളുടെ ആരോഗ്യസ്ഥിതി,, ഗവേഷണത്തിന് ഡോ. അനു ഗോപിനാഥിന് ഗ്രാന്റ്.

 കാലാവസ്ഥാ വ്യതിയാനത്തിന്റെ സ്വാധീനം വിലയിരുത്തുന്നതിന് ഉപഗ്രഹ ഡാറ്റ ഇൻസിറ്റു അളവുകളുമായി സംയോജിപ്പിക്കുകകേരള ഫിഷറീസ് സർവകലാശാലയിലെ അക്വാട്ടിക് എൻവയോൺമെന്റ് മാനേജ്‌മെന്റ് വിഭാഗം മേധാവിയും പ്രഫസറുമായ ഡോ. അനു ഗോപിനാഥിന് രണ്ടു പ്രധാന ഗവേഷണ ഗ്രാന്റുകൾ ലഭിച്ചു.

ഇന്ത്യൻ ബഹിരാകാശ ഗവേഷണ സംഘടനയുടെ (ISRO) ഹൈദരാബാദിലെ നാഷണൽ റിമോട്ട് സെൻസിംഗ് സെൻറർ (NRSC) അനുവദിച്ച 25 ലക്ഷം രൂപയുടെ ആദ്യ ഗ്രാന്റ്, "ഇന്ത്യൻ മഹാസമുദ്രത്തിലെ ലക്ഷദ്വീപ് ദ്വീപസമൂഹത്തിലെ പവിഴപ്പുറ്റുകളുടെ ആരോഗ്യസ്ഥിതിയിൽ കാലാവസ്ഥാ വ്യതിയാനത്തിന്റെ സ്വാധീനം വിലയിരുത്തുന്നതിന് ഉപഗ്രഹ ഡാറ്റ ഇൻസിറ്റു അളവുകളുമായി സംയോജിപ്പിക്കുക " എന്നതാണ്. ഈ പദ്ധതിയിൽ ലക്ഷദ്വീപ് പരിസ്ഥിതി-വനം വകുപ്പിലെ റേഞ്ച് ഫോറസ്റ്റ് ഓഫിസർ  സി. എൻ. അബ്ദുൾ റഹീം പങ്കാളിയാകുന്നു. കൂടാതെ, NRSCയിലെ ശാസ്ത്രജ്ഞരുടെ സംഘവും ഗവേഷണത്തിനൊപ്പം പ്രവർത്തിക്കും.

ഇന്ത്യാ ഗവൺമെന്റിന്റെ ഭൗമശാസ്ത്ര മന്ത്രാലയത്തിന്റെ ഡീപ് ഓഷ്യൻ മിഷൻ സ്കീമിന് കീഴിൽ അവർക്ക് മറ്റൊരു പ്രധാന ഗ്രാന്റും ലഭിച്ചു. 66 ലക്ഷം രൂപയുടെ ഈ പദ്ധതിയിൽ, "ആഴക്കടൽ പരിസ്ഥിതിയിൽ മൈക്രോ-നാനോ പ്ലാസ്റ്റിക്കുകളുടെ സാനിധ്യവും അവ ആഴക്കടൽ ജീവജാലങ്ങളെ എങ്ങനെ ബാധിക്കുന്നു " എന്നതിനെ കുറിച്ച് പഠിക്കുന്നു.

കർണാടകയിലെ മണിപ്പാൽ അക്കാദമി ഓഫ് ഹയർ എഡ്യൂക്കേഷനിലെ മണിപ്പാൽ ഇൻസ്റ്റിറ്റ്യൂട്ട് ഓഫ് അപ്ലൈഡ് ഫിസിക്സിൽ നിന്നുള്ള ഡോ. ജിജോ ലൂക്കോസ്, ഡോ. സന്തോഷ് ചിടങ്ങിൽ എന്നിവരുമായി സഹകരിച്ചാണ് ഡീപ് ഓഷ്യൻ മിഷൻ പ്രോജക്റ്റ്.