മലപ്പുറത്ത് നാല് കുട്ടികള്ക്ക് ഷിഗല്ല സ്ഥിരീകരിച്ചു
- Posted on July 01, 2024
- News
- By Arpana S Prasad
- 291 Views
സ്കൂളിലെ 127 കുട്ടികള് ഭക്ഷ്യ വിഷബാധയെ തുടര്ന്ന് ചികിത്സ തേടിയിരുന്നു. അതില് 4 കുട്ടികളെ പരിശോധിച്ചതിലാണ് ഷിഗല്ല സ്ഥിരീകരിച്ചത്
മലപ്പുറത്ത് നാല് കുട്ടികള്ക്ക് ഷിഗല്ല സ്ഥിരീകരിച്ചു
മലപ്പുറം ജില്ലയില് ഷിഗല്ല രോഗം സ്ഥിരീകരിച്ചു. കോഴിപ്പുറം വെണ്ണായൂര് എഎംഎല്പി സ്കൂളിലെ നാല് കുട്ടികള്ക്ക് രോഗം സ്ഥിരീകരിച്ചതായി ആരോഗ്യ വകുപ്പ് അറിയിച്ചു. കടുത്ത തലവേദനയും വയറ് വേദനയും ഛര്ദിയും ഉള്പ്പെടുന്നതാണ് രോഗലക്ഷണങ്ങള്. ആര്ക്കും ഗുരുതര ലക്ഷണങ്ങളില്ല. സ്കൂളിലെ 127 കുട്ടികള് ഭക്ഷ്യ വിഷബാധയെ തുടര്ന്ന് ചികിത്സ തേടിയിരുന്നു. അതില് 4 കുട്ടികളെ പരിശോധിച്ചതിലാണ് ഷിഗല്ല സ്ഥിരീകരിച്ചത്.
മറ്റ് കുട്ടികളും രോഗ ലക്ഷണങ്ങള് കാണിച്ചിരുന്നു. കുട്ടികള് സ്കൂളില് നിന്ന് കഴിച്ച ഭക്ഷണത്തിന്റെ കുടിവെള്ളത്തിന്റെയും സാമ്പിള് ലാബില് പരിശോധനയ്ക്ക് അയച്ചിട്ടുണ്ട്. ഇതിന്റ റിപ്പോര്ട്ട് ലഭിച്ചാല് മാത്രമെ രോഗവ്യാപനത്തിന്റെ കാരണം വ്യക്തമാകൂ.
സ്വന്തംലേഖിക
