കേന്ദ്രമന്ത്രി സുശ്രീ ശോഭ കരന്ദ്ലാജെയുടെ അധ്യക്ഷതയിൽ തൊഴിൽ ഉൽപ്പാദനവും തൊഴിൽ പരിഷ്‌കരണവും പ്രോത്സാഹിപ്പിക്കുന്നതിനുള്ള മേഖലാ യോഗം ചേർന്നു. 

കേരളം, കർണാടക, തമിഴ്‌നാട്, തെലങ്കാന, പുതുച്ചേരി, ആൻഡമാൻ & നിക്കോബാർ ദ്വീപുകൾ എന്നീ ആറ് സംസ്ഥാനങ്ങൾ/യുടികൾ എന്നിവയുമായി കേന്ദ്ര തൊഴിൽ സഹമന്ത്രി സുശ്രീ ശോഭ കരന്ദ്‌ലാജെ ഇന്ന് ബെംഗളൂരുവിൽ ഒരു നിർണായക പ്രാദേശിക യോഗത്തിന് നേതൃത്വം നൽകി. സഹകരണ ഫെഡറലിസത്തിൻ്റെ ആദർശം ഉൾകൊണ്ട് കൊണ്ട് തൊഴിൽ മന്ത്രാലയം എല്ലാ സംസ്ഥാനങ്ങളും/യുടികളുമായും നടത്താൻ പോകുന്ന ആറ് പ്രാദേശിക സമ്മേളനങ്ങളുടെ പരമ്പരയിലെ ആദ്യത്തേതായിരുന്നു ഇത്.

തൊഴിൽ പരിഷ്‌കരണങ്ങൾ, ഇ-ശ്രം പോർട്ടൽ, ബിൽഡിംഗ് & അദർ കൺസ്ട്രക്ഷൻ വർക്കേഴ്‌സ് (BoCW), തൊഴിലവസരങ്ങൾ വർധിപ്പിക്കൽ എന്നിവയെക്കുറിച്ചുള്ള ചർച്ചകളിൽ യോഗം ശ്രദ്ധ കേന്ദ്രീകരിച്ചു. എല്ലാ വിഭാഗങ്ങളിലെയും തൊഴിലാളികളെ ഉൾക്കൊള്ളുന്ന വികസനത്തിനും ക്ഷേമത്തിനുമുള്ള സർക്കാരിൻ്റെ പ്രതിബദ്ധത ഇത് പ്രതിഫലിക്കുന്നു.

തൊഴിൽ പരിഷ്‌കരണങ്ങൾ വിജയകരമായി നടപ്പാക്കുന്നതിൽ സംസ്ഥാനങ്ങൾ നിർണായക പങ്ക് വഹിക്കണമെന്ന് സുശ്രീ ശോഭ കരന്ദ്‌ലാജെ തൻ്റെ പ്രസംഗത്തിൽ ഊന്നിപ്പറഞ്ഞു. സംസ്ഥാനങ്ങളുമായി അടുത്തിടപഴകുക, വിടവുകൾ കണ്ടെത്തുക, ആശങ്കകൾ പരിഹരിക്കുക, സഹകരണത്തോടെ മുന്നോട്ടുള്ള വഴികൾ രൂപപ്പെടുത്തുക എന്നീ ലക്ഷ്യങ്ങളോടെയാണ് ഇന്നത്തെ യോഗം നടന്നതെന്നും അവർ കൂട്ടിച്ചേർത്തു. പങ്കെടുക്കുന്ന എല്ലാ സംസ്ഥാനങ്ങളെയും മറ്റ് സംസ്ഥാനങ്ങളുമായും കേന്ദ്ര ഗവൺമെൻ്റിൻ്റെ മൊത്തത്തിലുള്ള കാഴ്ചപ്പാടുകളുമായും യോജിപ്പിക്കാൻ അവർ പ്രോത്സാഹിപ്പിച്ചു. അസംഘടിത തൊഴിലാളികളുടെ ക്ഷേമം ഉറപ്പാക്കുന്നതിൽ സംസ്ഥാനങ്ങളുടെ പങ്ക് അവർ എടുത്തുപറയുകയും ഇ-ശ്രം  ഉൾപ്പെടെ മന്ത്രാലയം സൃഷ്ടിച്ച വിവിധ സംവിധാനങ്ങൾ പ്രയോജനപ്പെടുത്താൻ സംസ്ഥാന ഉദ്യോഗസ്ഥരെ പ്രേരിപ്പിക്കുകയും ചെയ്തു.

യോഗത്തിൽ, സംസ്ഥാനങ്ങൾ/കേന്ദ്ര ഭരണ പ്രദേശങ്ങൾ പങ്കുവെച്ച പ്രതീക്ഷകൾ ഇനിപറയുന്നവയാണ്:

i. എൻസിഎസ് പോർട്ടലിലെ മൊഡ്യൂളുകൾ വഴി എംപ്ലോയ്‌മെൻ്റ് റിട്ടേണുകളും ജോബ്-ഫെയർ വിശദാംശങ്ങളും സമയബന്ധിതവും പതിവായും ഡിജിഇക്ക് സമർപ്പിക്കുന്നത്

ii. ഇ-ശ്രം പോർട്ടലുമായി സമയബന്ധിതമായ അങ്ങോട്ടുമിങ്ങോട്ടുമുള്ള ഏകീകരണം;

iii. തൊഴിൽ ഡാറ്റ സൃഷ്ടിക്കലും ഗുണനിലവാരമുള്ള ജോലികൾ സൃഷ്ടിക്കുന്നതിനുള്ള കേന്ദ്രീകൃത സമീപനം

iv. സംസ്ഥാന നിയമങ്ങൾ രൂപപ്പെടുത്തുന്നതിന് ഒരു സംവാദ-അധിഷ്ഠിത സമീപനം

ക്ഷേമ പദ്ധതികൾ വിപുലീകരിക്കുക, ഓഡിറ്റുകൾ ഉറപ്പാക്കുക, രജിസ്ട്രേഷൻ വർദ്ധിപ്പിക്കുന്നതിന് ഇ-ശ്രം-മായി ഡാറ്റ സംയോജിപ്പിക്കുക, PMJJBY/PMSBY/PMJAY/PMSYM പോലുള്ള കേന്ദ്ര ക്ഷേമ പദ്ധതികളുടെ ലഭ്യത BOC തൊഴിലാളികൾക്ക് വ്യാപിപ്പിക്കുക എന്നിവ BoCW-നുള്ള പ്രധാന പോയിൻ്റുകളിൽ ഉൾപ്പെടുന്നു. നികുതി പിരിവ് വർദ്ധിപ്പിക്കുന്നതിനും മാതൃകാ ക്ഷേമ പദ്ധതികൾ പാലിക്കുന്നതിനും സംസ്ഥാന/കേന്ദ്രഭരണ പ്രദേശങ്ങളെ പ്രോത്സാഹിപ്പിച്ചു.

തൊഴിൽ സൃഷ്ടിക്കൽ, എംപ്ലോയ്‌മെൻ്റ് എക്‌സ്‌ചേഞ്ചുകളുടെ നവീകരണം, വിദ്യാഭ്യാസ സ്ഥാപനങ്ങളുമായുള്ള പങ്കാളിത്തം, വ്യവസായ സഹകരണം എന്നിവ ചർച്ച ചെയ്തു. മികച്ച അടിസ്ഥാന സൗകര്യ വിനിയോഗത്തിലൂടെ ESIC സേവനങ്ങൾ മെച്ചപ്പെടുത്തുന്നതിനും സംസ്ഥാന ESIC സൊസൈറ്റികൾ രൂപീകരിക്കുന്നതിനും ഫണ്ട് ഒഴുക്ക് കാര്യക്ഷമമാക്കുന്നതിനും ഊന്നൽ നൽകി.

ഓരോ വിഷയത്തിലും സംസ്ഥാന/കേന്ദ്ര ഭരണ പ്രദേശങ്ങളിൽ നിന്നുള്ള ഉദ്യോഗസ്ഥരും ഇന്ത്യാ ഗവൺമെൻ്റും തമ്മിൽ വിപുലമായ സംവേദനാത്മക സെഷനുകൾ നടന്നു. സംസ്ഥാന/യുടി ആശങ്കകൾ ചർച്ച ചെയ്യുകയും പ്രശ്നങ്ങൾ പരിഹരിക്കുകയും ഭാവി പ്രവർത്തനങ്ങൾക്കുള്ള നിർദ്ദേശങ്ങൾ രേഖപ്പെടുത്തുകയും ചെയ്തു. വിവിധ സംസ്ഥാനങ്ങളിൽ നിന്നുള്ള മികച്ച മാതൃകകളും പങ്കുവച്ചു.