കാലവർഷം മഴ 2025 സംസ്ഥാനത്ത് 13% കുറവ്

സി.ഡി. സുനീഷ്

ജൂൺ 1 ന് തുടങ്ങി 122 ദിവസം നീണ്ടു നിന്ന കാലവർഷ കലണ്ടർ ഇന്ന് അവസാനിച്ചപ്പോൾ കേന്ദ്ര കാലാവസ്ഥ വകുപ്പിന്റെ  കണക്ക് പ്രകാരം കേരളത്തിൽ ഇത്തവണ 13% മഴകുറവ്.  2018.6 mm ലഭിക്കേണ്ട സ്ഥാനത്തു ലഭിച്ചത്  1752.7 mm,. കഴിഞ്ഞ വർഷം ലഭിച്ചത്  1748.2 mm . 2023 ൽ  ലഭിച്ചത് 1326.1 mm മഴ മാത്രം ( 34% കുറവ് ). 

അതെ സമയം രാജ്യത്ത് പൊതുവെ  8% അധിക മൺസൂൺ മഴ ഇത്തവണ ലഭിച്ചു. 

ജൂൺ  4% കുറവ്

ജൂലൈ  13% കുറവ്

ഓഗസ്റ്റ്   20 കുറവ്

സെപ്റ്റംബർ  24% കുറവ്

കാലവർഷം ആരംഭിച്ച  മെയ്‌ 24 മുതൽ സെപ്റ്റംബർ 30  പ്രകാരമുള്ള കണക്ക് പ്രകാരം   സംസ്ഥാനത്തു  2193 mm  (4% അധികം)  മഴ ലഭിച്ചു.  ലഭ്യമായ ഔദ്യോഗിക ഡാറ്റ പ്രകാരം ഈ കാലയളവിൽ 6594 mm മഴ ലഭിച്ച കക്കയം ( കോഴിക്കോട്)  സംസ്ഥാനത്തു ഏറ്റവും കൂടുതൽ മഴ രേഖപെടുത്തിയത്

മുൻ വർഷത്തെ അപേക്ഷിച്ചു  ജൂണിൽ ഇത്തവണ  കാര്യമായ മഴക്കുറവ് ഉണ്ടായില്ല ഇത്തവണ ജൂണിൽ  നല്ല മഴ ലഭിച്ചു. 

ഏറ്റവും കൂടുതൽ മഴ  ലഭിച്ച  കണ്ണൂർ  ജില്ലയിൽ 2988 mm  ( 2024 ൽ 3023.3 mm)   15% കൂടുതൽ  ലഭിച്ചു. 

കാസർഗോഡ് ജില്ലയിൽ  2781 mm  ( 2024 ൽ 2603 mm ) മഴ ലഭിച്ചെങ്കിലും സാധാരണ ലഭിക്കേണ്ട ( 2846.2 mm) മഴയെക്കാൾ 2 % കുറവ് രേഖപെടുത്തി. 

സീസണിൽ ഏറ്റവും കുറവ് മഴ ലഭിച്ചത് തിരുവനന്തപുരം  850 mm ( 2024 ൽ 866.3mm) ജില്ലയിൽ ആണെങ്കിലും സാധാരണ ജില്ലയിൽ ലഭിക്കേണ്ട മഴയെക്കാൾ 1% അധികം ലഭിച്ചു. 

ഇടുക്കി 35% ഉം വയനാട് 36   %  മലപ്പുറം  27% കുറവ് മഴ രേഖപെടുത്തി.